السبت، 10 سبتمبر، 2011

ماجلة الدايت :)





السلامـ عليكمـ

شخباركم ؟!

مثل ماذكرت في البوستات السابقة إنه الدايت
يحتاج الى ماجلة خاصة





هذا البوست بسوي عليه up date  باذن الله تعالى




مشترياتي (ماجلتي ) من جمعية الخالدية :


العصير الطبيعي من فلوريدا ناتشورال


بعد مادخت وحست على العصاير فترة طويلة
 وجربت أكثر من شركة
طحت على هالنوع
أنصحكم فيه هالعصير طعمه لذيذ وطبيعي 100%

جربت:

 البرتقال مع اللب

 البرتقال مع الأناناس

ممتازين








سندويشات أمريكانا


متوفرة تقريبا في كل جمعيات - ثلاجة صغيرونة مخصصة لمنتجات امريكانا

متوفر فيها السلطات + السندويشات للخبر الأبيض والأسمر

إذا تبون ريوق أو عشا خفيف وعالسريع

راح تكون اختيار ممتاز


من تجربتي :

حبيت السندويشات ذات الخبز الأسمر التالية:

دجاج مع المايونيز

تونا مع المايونيز

الصدر الرومي


ماحبيت السندويشات ذات الخبز الأسمر التالية:

الفيتا
جبن مع البصل







لبنة قليلة الدسم بينار


لبنة بينار مو طبيعية الصراحة

أحس قاعدة آآآكل لبنة لبنة لبنة

آآآه مع الزعتر والزيت

واللي مايسوون دايت جربوا بينار كاملة الدسم (الخضرا)

وااااااااااااااااو


7
7
7
7
7


وعليكم بألف عافية

اذا جربتوا منتجات ثانية

لاتحرمونا من تجربتكم ومشاركاتكم

حياكم الله

:)




هناك 6 تعليقات:

رورو الشخبوطه يقول...

اختي لي سوت رجيم لازم نروح لجمعية وكلشي للدايت جبن قلاص , سلايس , روب ,لبنه , توست , خبز , عصير ....الخ..

بس حلو انه يكو ن اكلج صحي وخفيف سواء رجيم ولا من غيره ..

وبالعافية يارب

Made n Q8 يقول...

انا احب اكل من هالنوعيه مع اني ما اسوي ريجيم بس احس ان اكل صحي ويفيد :)

دنيا رواياتي يقول...

مدونة جديدة في موضوعها وفيها الافادة فشكرا لك

Now or Never يقول...

رورو: ياهلا وغلا فيج يا رورو

يا زينج ويازين مشاركاتج :)

عجبني تعليقج المفروض الاكل صحي نمشي بالريجيم او بدونه

ميد إن كويت: يا هلا فيج

نورت المدونة:)

اي والله لازم نعود نفسنا على الاكل الصحي والمفيد

دنيا رواياتي :

يا هلافيج بمدونتي وراح مفيدة اكثر بتعليقاتكم :)

F6o6a Al-B6a يقول...

امس رحت شريت ماجلة الدايت ...

العصير : اممم مو ذاكره جنا جربته وماعجبني طعمه بس امس شريت واحد صغير بجربه

انا اشرب عصير برتقال ( كي دي دي او ربيع الابيض او المراعي او تروبيكانا او سيزر )

و الاناناس بس كي دي دي ما جربت اشرب من شركه ثانيه كله اخذ منهم

وكيوي و اناناس انا اسويه بالبيت ما جربت اشرب الي بالجمعيه

والفواكه الثانيه ما جربت اشرب عصايرها

امريكانا : الي اذكره جربت الفيتا وحبيتها

انا ما احب المايونيز عشان جذي ما جربت الباقي وفي عندهم سلطات حلوين

اذا تبين شي جاهز او بره البيت ينفعون

اللبنه :

شاريه من قبل لبنه قليلة دسم بس مو عارفه اسمها

وامس شريت بينار على مدحج =)

Now or Never يقول...

فطوطة : يا هلا وغلا فيج ياقلبي

وشكرا على نقل تجاربج الطيبة

وعليج بألف بألف عافية :)