الاثنين، 29 أغسطس 2011

To nura


Thank you nura
دوخت راسج سامحيني 
من علمني حرفا صرت له عبدا 
بس اتصدقين الصور اللي حجمها كبير ماتوصل 





Sent from my iPhone

My first post her

عيدك مباركـ يا أميرالأمراء!

السلام عليكم

وعيدكم مباركـ مقدما
عزالله !
العيد معاكم له طعم ثاني يا قراء
مدونتي المتواضعة الأعزاء





اذا فيه عيد !
ملزومين بالحلويات والكعك
علشان جذي رحت مع الوالدة الله يحفظها الى مخبز أمير الأمراء
موجود في منطقة الفراونية
صارلنا نتعامل معاه تقريبا سنتين


المخبز سمعته : أشهر من نار على علم ، ويستاهل هالسمعة :)
مع انه صغير في الحجم ..
لكن الموالح والحلويات طعمها مو طبيعي
وشغلهم فريش  ونظيف وتعامل العمال اللي فيه راقي

،
،
،

ما اقدر أقاوم خبزهم الصراحة موطبيعي ..
حااااااار وفريش وأشكال وأنواع
اللي يحبون يسوون فطاير وفناتك 
 أنصحهم وبشدة يشترون من هالخبز






آآآآآآآآآه هذا المفضل عندي (( تمر مع الدارسين))
طعمه يرد الروح @_@
حلو للريجيم
لأنه حده خفيف - آكل منه قطعتين مع القهوة أو النيسكافيه









شوفوا الداربيل ..واااااااااااااااااااااااااااي تشوق الألوان








الغريبة ومعمول تمر والبيتيفور ،أتحدى مقدرتكم على التحمل *_*







خوش موالح ...!!











الله الله الله - تباركـ الرحمن بدعتوا يا أمير الأمراء




،
،
،


زحمة مو طبيعية !
في المخبز ، في السوق ، في الشوارع !
الله يا لوية العيد
يا أحلا لوية

الله يحفظكم
ويحقق لكم أمانيكم
والبسمة ماتفارق محياكم
وعساكم من عوداة


(( أحبكم في الله ))




NOW or NEVER



الأحد، 28 أغسطس 2011

Fitness و برنامج الرشاقة !

قوة :)


إذا تبين وجبة خفيفة وغنية بالألياف

فكري على طول بالكورن

بس مو أي نوع ...؟!

أنصحج وبشدة بــكورن  اسمه Fitness من Nestle

هالكورن  اختيار مناسب اللي حابين

يسوون ريجيم أو يبون تخفيف أو يبون يحافظون على رشاقتهم

Fitness
 مصنوع من الحبوب الكاملة وغني بالألياف والفيتامينات والمعادن

متوفر تقريبا في كل الجمعيات التعاونية والمراكز التسوقية






هذا شكل الكورن  السادة









وهالنوع ضايفين عليه فواكهة

رايي : يمي يمي لذيذ أنا اكله مع الحليب أو بدون حليب ..
شي حلو وخفيف ولذيذ







هالنوع يديد ضايفين عليه عسل ولوز

رايي : لذيذ ، انا احطه بصحن صغير واطالع التلفزيون
وأكله بدون حليب
- صوت القرقشة مو طبيعي
ولا العسل واااااو







Fitness بادين ببرنامج رشاقة
اسمه Get in shape & zip up

البرنامج مدته 14 يوم

كاتبين كل تفاصيل البرنامج على العلبة

وكذلك ينصحون ببعض التمارين الرياضية البسيطة

مع رسومات توضيحية على العلبة






وايضا ضايفين CD للتمارين الرياضية والرقص
في علبة الكورن fitness
والنوع اللي فيه سي دي أيضا موجود ومتوفر في الكويت



مع تمنياتي لكم بالصحة والعافية

:)




السبت، 27 أغسطس 2011

تنظيف الدثرة ... بالتدريج !




Hi Again

تذكرت حكمة قريتها من زماااان 
 مقتبسة من أحد الشخصيات الناجحة المشهورة
مو حافظة اسم الشخصية ولا حافظة نص الحكمة
بس أتذكر معناها وما زال مؤثرا

معنى الحكمة كالتالي :

( اذا اردت تغيير العالم واصلاحه ، إبدأ بترتيب غرفتك أولا )

الرجاء عدم الاستهانة
ترى معنى الحكمة عميق جدا


*******************************

من صفاتي

حب الترتيب والتنظيم والتصنيف

وأحب بعد أجرد غرفتي من فترة لفترة

لكن مع الأسف

الاغراض تكودت بغرفتي في الفترة الأخيرة

إشلون ؟

الله أعلم :/


وصارت هالدثرة الكبيرة مو طبيعية

بمعنى الكلمة تلوث بصري + نفسي




كل يوم أقول اليوم
راح أرتب ..
طبعا عجز وكسل وانشغل بحياتي  >>

والاغراض تتراكم @_@

عقدت العزم وبديت ارتب وخلصت اللي قدرت عليه
وان شاء الله بكمل

سبحان الله
 كل مشكلة عودة تنحل بالتدريج
وبخطوات صغيرة
حتى لو كانت أبسط المشكلات


********************************


سكر قليل السعرات الحرارية


أستخدم المحلى الصناعي sweet n low

النوع : الأكياس الصغيرة



استخدم هالنوع مع القهوة والشاي

الطعم يكون حالي ولذيذ

بس قريت آخر مقالة عن أضرار المحليات الصناعية

علشان جذي ودي أغير هالمنتج بمحلى آخر ؟

اللي يعرف أو وده يساعدني ؟

لاتتردد

 واعرص على التعليقات


وشكرا جزيلا

:)






الجمعة، 26 أغسطس 2011

يوم الميزان، يكرم المرء أو يهـان !





السلام عليكم

كيف الحال ؟
مابقى شي على يوم الميزان*_*



الأعصاب مشدودة على الآخر !



عالعموم - حبيت أفيدكم بمعلومات عن الميزان




فيه ثلاثة أنواع مشهورة



النوع الأول






إطلعت عيني يالله حصلت صورة هالميزان على جوجل

اتصدقون هذا اقدم وأضبط ميزان !!

طريقة قياس الوزن : سهلة اذا تعلمتيه عدل

طبعا هذا النوع متوفر في النوادي الصحية وبعض العيادات والمستشفيات








النوع الثاني




الميزان على شكل مؤشر
انا من رايي 
ميزان فاااشل وغير دقيق ومن الصعب قراءة الوزن
ويخترب بسرعة







النوع الثالث



الميزان الرقمي أحسن من النوع السابق بوااااايد
علشان جذي هو أكثر شيوعا واستخداما
الوزن دايمن مضبوط حتى لو استخدمناه أكثر من مرى
ومتوفر في كل مكان





طبعا صناعات الميزان مختلفة خاصة للنوع الثالث (الرقمي)

مثل الياباني + الصيني + الألماني


أنا من خبرتي أنصحكم بالألماني وبقوة

دقيق + يتحمل الأوزان الثقيلة + شكل جذاب ومميز+ عمره طويــل

مثال ماركة beuer
متوفرة في شركات الالكترونيات والصيدليات
والأشكال المشهورة كالتالي : من نفس الماركة


الزجاج :



والمعدن :











نصيحة :اذا عزمتوا تشترون  أي ميزان من الأنواع السابقة

اشتروا من الصيدليات(التابعة للجمعيات مو الخاصة ) 
 أو مركز سلطان أو سيتي سنتر

- الأسعار أرخص وااايد

- لا تحاتون الجودة






طيب ماهي الطريقة الصحيحة لقياس الوزن :

اذا كنتوا تقيسون بالنادي او عيادة مافي أي مشكلة لكن اذا كان في البيت

الوضع يختلف

لابد من مراعاة النقاط التالية

1- اختيار الوقت والمكان المناسب في البيت

بالنسبة للوقت : يكون في الصباح بمجرد الاستيقاظ من النوم
بالنسبة للمكان : لازم على ارضية ثابتة ونظيفه
حطوا الميزان على السيراميك مو السجاد
( الميزان الرقمي دقيق وحساس جدا )


2-اختيار اللبس المناسب لقياس الوزن

لبسوا خفيف
ويفضل في كل موعد ميزان يكون نفس اللبس مراعاة للدقة
حرام تضيعون تعبكم وتطلع قراءة الميزان غلط علشان غيرتوا اللبس !
لا تلبسون جوتي !
لا تلبسون جينز !
بعض العبايات ثقيلة بعد!


3-اختيار اليوم المحدد لقياس الوزن


هذه أهم نقطة
قياس الوزن كل يوم .. هذا هوس وجنون
والنتيجة غير دقيقة بالمرى خاصة  للنساء ..
لانه الهرمونات تلعب دور كبير وغير مستقرة
يفضل اختيار يوم في الاسبوع أو في الشهر
الطريقة هاذي اضبط وتشجع اكثر لمعرفة الوزن في هذا اليوم




الأخطاء الجسيمة والأكثرشيوعا بين الناس في قياس الوزن

القياس بعد تناول الطعام مباشرة وخاصة بعد وجبة الغداء او العشاء
القياس بعد التمارين الرياضية
قياس الوزن بأكثر من ميزان مختلف في المنزل - الأفضل استخدام ميزان واحد فقط








يلا فشيت خلقي
وان شاء الله استفدتوا
أي أسئلة انا حاضرة
(( يوم الميزان ، يكرم المرء أو يهان ))
واذا ما وزنت ولا شي
عيل اكيد صار فيني جذي

7
7
7
7
7





LoooooL
*_^


الأربعاء، 24 أغسطس 2011

بلوقي في الآيفون ..!!





موضوع مهم للغاية ،،،،،

طرت على بالي هالفكرة !!

ليش ما أحمل مدونتي NOW or NEVER
على تلفوني الأيفون ..!!

عملية التدوين راح تكون أسهل وأكثر عملية:/



اذا ابي أجيكـ على موضوع أو اكتب موضوع جديد أو احمل صورة او فيديو جك بوم من أي فوني

احسن من العبالة والدوخة
وتشغيل اللابتوب بعدين ادش على المدونة ......الخ

خاصة  أنا لاهية ومشغولة على طول ....

والأيفون وفر علي شغلااااات
 الصراحة ليته يكمل جميله معااااااي
ويخدمني بهالفكرة*_^


عالعموم ..

مشيت على الخطوات التالي :

إعدادات >> البريد الالكتروني والجوال >> الأجهزة الجوالة >> التعرف على مزيد من المعلومات حول أجهزة الجوال

طلع لي

هالفيديو العجيب وطبقت خطوة .. خطوة



وبعدين ...... شنو النتيجة ؟!

















ولا شـــي !!


سويت الخطوات وطرشت رسالة وسائط متعددة مصحوبة بكلمة REGISTER  الى الرابط التالي:go@blogger.com

ردوا علي مباشرة بإيميل

وقالوا فيه:

 
أنه التسجيل صحيح وتفضلي رابط مدونتج في الجوال مع code

فجي هالموقع go@blogger.com 

 ودخلي الكود علشان تقدرين تفعلين حساب المدونة ....الخ

مثل ماهو موضح في الفيديو أعلاه ...!!




طبقت الخطوات بالضبط ... وفجيت الموقع ودخلت الـ code المرسل في الايميل وسويت اختبار تدقيق الكلمات 
وسويت  sign in  النتيجة شنو ؟







THIS BAGE IS NOT FOUND


مليون مرى ماكو فايدة ..؟

عندي رابط مدونتي الجديدة في أيفوني مامنه فايدة بدون تفعيل *_*

واللي استفدته حرقة أعصاب :/



ليت أقدر أدون وأكتب وأفضفض في مدونتي مثل هالأخ - طبعا البرنامج يختلف -














آسفة على الطواله .. بس اذا اي احد عند حل لمشكلتي أو وده يجر حظه ويستفيد من هالميزة

لا تتردد واعرص على التعليقات





الاثنين، 22 أغسطس 2011

متى الوعد ..؟!

السلام عليكم :

شخباركم ؟


بعد ماوضحت لكم سبب سمنتي المفرطة في البوست السابق .. وهي عبارة عن عادات غذائية سيئة من الصغر والمشكلة تراكمت وكبرت مع الوقت حتى وصلت لمرحلة من الصعب فقدان الوزن 
على قولتهم اشلون جبال من سنين تنهدم في يوم واحد ..!! 
السمنة آفة ضرتني بجميع النواحي من ناحية نفسية وصحية واجتماعية
أشياء كثيرة وفضفضة راح اتكلم عنها في مدونتي بإذن الله تعالى


يا بنت الحلال !!
الماضي ننساه .. وننسى قسوته

احنا عيال اليوم *_^

يلا يلا  ...وين الوعـــد .؟

ومتى راح تبدين ؟



راح أعلن عن الخطة كاملة

يوم الخميس 1/9/2011

راح أسجل الوزن + الطول

الريجيم المتبع

مع تحديات أخرى فريدة من نوعها

وصور حصرية





انزين ليش مو الحين ؟

حاليا  استراحة محارب الصراحة .. وانتوا تدرون رمضان وراه العيد
حدددده موفاضية !

 وكل شي بوقته حلو وادعولي بالتوفيق










الأحد، 21 أغسطس 2011

معظم حياتي .. بطة !

لو اسوي مسابقة رمضانية سريعة بدون اعلانات تجارية مكررة وبدون ارسال مسج بكلمة او حرف على الارقام التالية ...فكروا بالمسابقة ... والوعد بالجائزة القيمة جدا  


شنو هالمسابقة ؟ وجم سؤال ؟ وفي اختيارات ؟


المسابقة عبارة عن سؤال واحد ويتيم !


لا اختيارات ولا شي ..


السؤال كالتالي : ماهي المراحل العمرية في حياة الانسان ؟




 

انا ادري محد فيكم يا قرائي الاعزاء راح ياخذ وقت في التفكير !!


الاجابة سهلة ومايبيلها اي Hint او حتى تمليح




 
المراحل العمرية هي :


أولا : الطفولة

ثانيا : المراهقة

ثالثا: الشباب

رابعا : الشيخوخة


وانتهى ..



والجائزة القيمة لكم ... طبعا موحقي !!

ليش ؟

لاني ما استاهلها ..


هم ليش ؟


لإني قضيت معظم مراحل حياتي .. بطـــة !!


على اواخر مرحلة الطفولة بدت معاي المشكلة 
بزيادة طفيفة على الوزن
السبب هو نمط حياتي الغلط
كنت أحب السهر  ليلي هونهاري ونهاري هو ليلي .. وطبعا بالسهر يحلى الأكل والبلع ..


وفي المراهقة تفاقمت المشكلة واصبحت تكبر وتكبر تكبر... والسبب : موضة الوجبات السريعة ماقصرت  ...
آآآآآه يا ايام ..الارنب الجائع تذكرونه ؟


وفي الشباب ايام الجامعة .. والروتين القاتل ..
الريوق صمون او صاج والدهن لازم معاه مشروب غازي علشان تكمل ! والغدا يكون في الكفتيريا ..
ماكو على الماكدونالدز او البرجر كنج واحيانا العيوش !


وبعد الوظيفة ضغط نفسي مو طبيعي ...
 محد ما يعلق علي.. ماكو احد مايفتي في مشكلتي..
زاد الضغط النفسي وقمت اقول اهي خاربة خاربة !!
ماقمت اطلب من المطاعم 
الحالة تطورت :
قمت اروح للمطاعم برجولي واجرب الجديد منها 




ووووو بعد جم سنة ..!!

بدون ما احس حسيت أني قاعدة اغرق ... اغرق ... اغرق

موقادرة اوصل لسطح الماي

النفس راح يقطع مني .. قلبي يخفق بسرعة

أحس بموت .. قاعدددة اختنق


ابي منو ينتشلني ؟

ابي منو يساعدني ؟

ابي منو يشدني من القاع يرفعني فوووووق؟



ابي انقذ نفسي :/


.
.
.


يا بنت الحلال !!

وين الجائزة القيمة ..؟

وين الوعد ؟

قصيتي علينا ؟


السمنة المفرطة من مسبباتها (عادات غذائية سيئة )

موشرط سبب جيني او وراثي أو خلل في الهرومونات ....الخ



شاركت ببعض العادات الغذائية السيئة اللي كنت مدمنة عليها
ارجوكم ابتعدوا عنها او تحكموا فيها


لا تغلطون نفسي

لا تقضون عمركم بالمتن والمرض والتعب


لا تتحسفون نفسي على احلى سنين العمر اللي راحت مني وانا الحين قاعدة احاول اعوض علشان مااقضي اخر عمري بالمتن !!



>> هذه هي الجائزة القيمة <<

التغذية السليمة هو الحل الوقائي من السمنة - الرجاء عدم الاستهانة بتلك الجائزة فقد دفعت ثمنها بسعر غالي

الثمن : أحلى سنين العمر التي لا تعوض