السلام عليكم ورحمة الله وبركاته :
اليوم 20/8 /2011
طرت على بالي فكرة افتتاح مدونتي تتكلم عن مشكلتي اللي ضيعت أحلى سنين عمري هاليوم يعتبر بداية العشر الاواخر من شهر رمضان الكريم - عسى الله يغفر للجميع ويحقق أمانيكم :)
شنو هالمشكلة ؟
السمنة المفرطة :/
يمكن تكون المشكلة لبعض القراء موضوع غير مهم ..
يمكن تكون للبعض موضوع شائع ..يمكن للبعض
موضوع مكرر .. يمكن ويمكن ويمكن ..!!
لكن اعطوني فرصة .. أفضفض لكم
كنت دايمن أفضفض و ألجأ الى أوراق النوتة في اضعف لحظاتي وبقلمي الرصاص او الحبر
اكتب على السطور مشاعر يمكن تخجل امرأة بالعشرينات تكتبها او تصفح عنها حتى لو لأقرب الناس
كنت دايمن افضفض الى برنامج notes المتوفر في كل نقال بعد ما اضبط المنبه قبل ما انام وانا في قمة الذل والمهانة وانا حاطة راسي على المخدة على أمل انه باجر حلو وامل جديد
هالمرة غير...؟!
اشلون ..؟!
راح أهمس بصوت عالي وابي الكل يسمع ويشوف ..
في مدونتي راح أكتب رحلتي الى عالم الرشاقة والى حياة جديدة
بس هاذي مو رحلة عادية ..!!
راح تتضمن هذه الرحلة على تجاربي وخواطري و افكاري وخططي وأحلامي ومعلوماتي..
يمكن تلاقون في مدونتي حل لمشكلة السمنة !
يمكن تلاقون افكاركم ومشاعركم اللي ماودكم أحد يعرفها !
يمكن تلاقون نفس الحلم أو نفس الآه !
يمكن تنصحوني أو يمكن تلاقون النصيحة !
يمكن تشاركوني أو تبون أحد يشارككم !
يلا على بركة الله تعالى
1
2
3
Go
حياكم الله .. وبانتظار تعليقاتكم الطيبة
هناك 11 تعليقًا:
تم تغيير الاعدادات .. يعطيج مليون عافية رورو على المساعدة :)
اشوه الحين اقدر ارد :)
مشكوره ع التغيير والله يعافيج يارب ...
واول شي حياج الله معانا بعالم التدوين ..
وفضفضي كثر ماتبين واحنا بنحاول نسااعدج ان شاءالله..
وانا ناطره باجي بوستاتج عشان اعرف اكثر اسباب هالمشكله وشنو سويتي عشان تحلينها..
وتضعفين وانتي بصحة وعافيه يارب..
welcome to the blogging world.. I'll definitely keep posted to your blog..
Allah yewafgich.
حياك الله في عالم المدونات
احلى قرار تسوينه
وباذن الله تنجحين فيه وتحلين مشكلتك
الله يوفقك واكيد من متابعينك
شكرا جزيلا على التعليق والتشجيع الطيب
:)
ولكم بعالم التدوين
وبالنسبه للسمنه كل مشكلها ولها حل
بس يبيلج اصرار وان شاء الله احنا بنساعدج في الي نقدر عليه:)
وحياج الله
wlcm to blogger :P
hope you fulfill your wish soon
waiting for the next post
مبروك افتتاح المدونه وهذي خطوه جريئه وممتازه كملي عليها ولا ترجعين لي ورا واحنا بنتابعج ونشجعج
أولـ الغيث .. قطرة
موفقـة، ويا رب دايما مليانة إرادة وعزيمـة
متابعة
" مدونـة أكثر من رائعة (: "
Perfect J
هلا حبيبتى معاج العضوه اثمان
فعلا السمنه احباط بكل مكان بس صدقينى
الاكل الصحى اهو الحل وان شاء الله
نشجعج وتشجعينا
وبالتوفيق
ما شاء الله كلج اسلوب وان شاءالله تضعفين بصحة وعافية وانشاءالله اتكملين وراح اكون من قراء مدونتج
وترا على الاسلوب يستاهل ينزل بكتاب
إرسال تعليق