السلام عليكم :
شخباركم ؟
بعد ماوضحت لكم سبب سمنتي المفرطة في البوست السابق .. وهي عبارة عن عادات غذائية سيئة من الصغر والمشكلة تراكمت وكبرت مع الوقت حتى وصلت لمرحلة من الصعب فقدان الوزن
على قولتهم اشلون جبال من سنين تنهدم في يوم واحد ..!!
السمنة آفة ضرتني بجميع النواحي من ناحية نفسية وصحية واجتماعية
أشياء كثيرة وفضفضة راح اتكلم عنها في مدونتي بإذن الله تعالى
يا بنت الحلال !!
الماضي ننساه .. وننسى قسوته
احنا عيال اليوم *_^
يلا يلا ...وين الوعـــد .؟
ومتى راح تبدين ؟
راح أعلن عن الخطة كاملة
يوم الخميس 1/9/2011
راح أسجل الوزن + الطول
الريجيم المتبع
مع تحديات أخرى فريدة من نوعها
وصور حصرية
انزين ليش مو الحين ؟
حاليا استراحة محارب الصراحة .. وانتوا تدرون رمضان وراه العيد
حدددده موفاضية !
وكل شي بوقته حلو وادعولي بالتوفيق
هناك 6 تعليقات:
قاعدة أجرب طريقة التعليق بصفحة كاملة - يتروالي هالاعداد وايد أحسن
>> طوفولي توني في عالم المدونات يديدة احب اكتشف واتعبث :)
اترك لكم المايك والتعليق
مرحباً بكِ عزيزتي في عالم التدوين ..
:)
رائعة أنتِ ..
ستصلين إلى مبتغاكِ بإذن الله ..
ألتمست حماسكِ في حروفكِ ,
كل التوفيق من قلبي أتمناه لكِ ..
أرق التحايا لكِ ..
الحمدالله انه سبب سمنتج عادات غذئية خاطئة مو مرض او وراثه بيكون التخلص منها وايد سهل ان شاءالله..
وقتج حلو و بعيد الاضحى تكونين نزلتي جم كيلو كنيولوك ان شاءالله..
موفقه يارب..
في مدونة اماراتيه للرجيم وايد مفيده اتوقع ماره عليج ..
هذي اهي..
http://getslim-behealthy.blogspot.com/
looooool welcome to my club
بن سليدوم : كلامج جميل ورقيق نفس طبعج ، اللهم آمين يوفق الجميع
رورو:يا قلبي مشكورة على مساعدتج ودايمن تعليقاتج مميزة
النوري : شكرا لمشاركاتج والله يفكج من السمنة مثلي ونصير مع بعض رشيقات المستقبل
أنا بعد وياج راح ابلش بعد العيد :)
go girl
إرسال تعليق