Hi Again
تذكرت حكمة قريتها من زماااان
مقتبسة من أحد الشخصيات الناجحة المشهورة
مو حافظة اسم الشخصية ولا حافظة نص الحكمة
بس أتذكر معناها وما زال مؤثرا
معنى الحكمة كالتالي :
( اذا اردت تغيير العالم واصلاحه ، إبدأ بترتيب غرفتك أولا )
الرجاء عدم الاستهانة
ترى معنى الحكمة عميق جدا
*******************************
من صفاتي
حب الترتيب والتنظيم والتصنيف
وأحب بعد أجرد غرفتي من فترة لفترة
لكن مع الأسف
الاغراض تكودت بغرفتي في الفترة الأخيرة
إشلون ؟
الله أعلم :/
وصارت هالدثرة الكبيرة مو طبيعية
بمعنى الكلمة تلوث بصري + نفسي
كل يوم أقول اليوم
راح أرتب ..
طبعا عجز وكسل وانشغل بحياتي >>
والاغراض تتراكم @_@
عقدت العزم وبديت ارتب وخلصت اللي قدرت عليه
وان شاء الله بكمل
سبحان الله
كل مشكلة عودة تنحل بالتدريج
وبخطوات صغيرة
حتى لو كانت أبسط المشكلات
********************************
سكر قليل السعرات الحرارية
أستخدم المحلى الصناعي sweet n low
النوع : الأكياس الصغيرة
استخدم هالنوع مع القهوة والشاي
الطعم يكون حالي ولذيذ
بس قريت آخر مقالة عن أضرار المحليات الصناعية
علشان جذي ودي أغير هالمنتج بمحلى آخر ؟
اللي يعرف أو وده يساعدني ؟
لاتتردد
واعرص على التعليقات
وشكرا جزيلا
:)
هناك 4 تعليقات:
هلا
حاسة باحساسج يوم تتكود الدثره وتصير تلوث بصري
بس ما أقول إلا الله يخلي الخدامة
السلام عليكم
انصحج تستخدمين سكر سبلندا وايد زين و ينصحون فيه دكاترة الرجيم تحصلينه بلولو هايبر الي باسواق القرين علبته صفره
غير معرف : وعليكم السلام يا الغلا
اتصدقين وحدة شفتها في ستار بكس تسأل عنه وقال حق الكاشير ما عندنا
من ذاك اليوم وانا ادور عنه لانه وايد يمدحونه بس مو موجود بالجمعيات
يعطيج العافية مافصرتي
سبلندا .. اخصائي التغذية يمدحونه
وألذ نوع ستيفانا وهو مو صناعي، مستخرج من نبات، وسعراته منخفضة جدا
إرسال تعليق